قبل أن أدخل إلى غرفة طفلي لأتأكّد أنه قد نام سمعت صوته وهو يصلّي ليسوع..كان يقول:
يا بابا يسوع…أنا عارف إني بزعّل ماما و بابا و أخواتي الكبار.. أنا شقيّ.. ومرّات ما بسمع كلام ماما وبابا.. سامحني يا بابا يسوع…
بدّي أطلب منك طلب صغير…. بدّي تخلص الحرب وأرجع ع بيتي وع غرفتي وأرجع أزيّن الشجرة بالمصابيح الملونة والألعاب… وأحط تحتها المغارة …. وننتظر بابا نويل ليجلبنا الهدية ليلة العيد…
بدّي أطلع أعايد أصدقائي وألعب معهم بدون ما أخاف من التفجير، ومن صوت الرصاص…
يا يسوع إنت بتبعت الخير والمطر إلنا بس هلأ صارت السما عم تمطر نار وصواريخ….
بدّي ترجع تولد بمغارة بيتنا وتسكن بقلوبنا…..
لم أستطع الدخول إلى الغرفة… وقفت على الباب والدموع تنهمر على وجهي… لكني استجمعت قواي ودخلت الغرفة وقّبلته وقلت له بأن الطفل يسوع سيولد بقلوبنا وسيسكن معنا حتى وإن لم نزيّن الشجرة… فهو يريد قلوبنا النقية والمحبة وليس شجرة ومغارة …
واتفقنا أن نصنع شجرة من الأغصان الموجودة بجانب المنزل ونزيّنها بهدايا نصنعها لأصدقائنا من الأقمشة الموجودة لدينا ونكتب على كل هدية آية من الإنجيل لأن يسوع هو فرحنا وهو هدية العيد….
مقالات/فيديوهات مقترحة:
GIPHY App Key not set. Please check settings